Молитва святому Архангелу Михаилу
О Господи Боже Великий, Царю Безначальный, посли, Господи, Архангела Твоего Михаила на помощь рабу твоему (имя рек), изъяти мя от враг моих видемых и невидемых!
О Господень Архангеле Михаиле, излей миро благостыни на раба своего (имя рек).
О Господень Михаиле Архангеле, демонов сокрушителю! Запрети всем врагом, борющимся со мною, сотвори их, яко овцы и сокруши их, яко прах пред лицем ветра.
О Господень Михаиле Архангеле, шестокрылатый первый Княже и Воеводо Небесных сил, Херувим и Серафим!
О чудный Архангеле Михаиле! Буде ми помощь во всем, в обидах, в скорбех, в печалех, в пустынях, на распутиих, на реках и на морях тихое пристанище! Избави мя, Великий Михаиле Архангеле, от всякия прелести диавольския, егда услышиши мя грешного раба своего (имя рек), молящагося тебе и призывающаго имя твое святое, ускори на помощь мою, и услыши молитву мою.
О великий Архангеле Михаиле! Победи вся противящияся мне силою честнаго и животворящаго Креста Господня, молитвами Пресвятыя Богородицы и святых Апостол, и святаго Николая Чудотворца, святаго Андрея юродиваго и святаго пророка Илии, и святых великомученик Никиты и Евстафия, преподобных отец и святых святителей и мученик и всех святых небесных сил. Аминь.
(Молитва сия древняя, написана на паперти Чудова монастыря в Кремле – в Церкви Михаила Архистратига.
Аще который человек прочитает сию молитву – того дня не прикоснется к нему ни диявол, ни зол человек, лестью не обольстится сердце его. Аще ли преставится от жития сего, - то и ад душу его не примет).
Скачать молитву святому Архангелу Михаилу